رواية مسلم والاسلام الفصل الثاني عشر 12 بقلم شهد احمد
12
طه قال ل مسلم روح الكتاب وانا جاي وراك
مسلم. حاضر ي بابا ومشي وهو ماشي حصل أنه لقي راجل عجوز مرمي علي الارض وابنه عمال يزعق فيه ويقوله انا امته هستريح منك انا خلاص مش بقيت عايزك معايا انا مش عارف اعيش انت عاله عليا مش عارف اتحرك مش عارف اجهز نفسي واتجوز علشان الفلوس اللي بطلعها بصرفها عليك وعلي علاجكك انا امته هرتاح والراجل العجوز كان علي الارض وبيبكي ومش عارف يعمل ايه ومصدوم في ابنه وقال بكل ضعف وحزن وكسره ل ابنه ربنا يريحك مني ي ابني ولما مسلم شاف كده جري علي الراجل العجوز وقومه وقاله حقك عليا ي جدو ونضف هدومه من التراب وقال ل ابن الراجل العجوز واسمه نور انت بتتمني انك تتخلص من ابوك بس فيه غيرك يتمنا أنه أبوه يكون موجود لو فاكر أنه لما ابوك يمشي هترتاح تبقا غلطان دي البركه كلها هتكون موجوده وابوك موجود واول ما يمشي البركه والرزق اللي بياجي ليك هيروح طيب انت عارف أنه ربنا بيرزقك وبطلع فلوس بس علشان ابوك لو فاكر أنه ممكن تتفتح ليك طاقه القدر ويكون عندك رزق كتير وانت رامي ابوك وبتعمله كده تبقا غلطان وإذا كان علي ابوك ف انا هخلصك منه ومش هتشوفه تاني بس هات ليه هدومه من جوه
نور. دخل وجاب الهدوم بتاع أبوه وقال هدومه اهي ويلا مع السلام والراجل العجوز يبكي ودموعه نزله بغزاره
مسلم. مش هتعرف قيمته غير لما يبعد عنك يلا ي جدو تعال معايا وسنده واخد لبسه وطلع علي الكتاب
الشيخ طه. كنت فين ي مسلم ومين ده ؟
مسلم. ده جدو ي بابا وحكا لي اللي حصل وقاله انا جبته هنا وانا اللي ههتم بيه وهرعاه
الشيخ طه. بارك الله فيك ي مسلم وقام واخد ب ايد الراجل العجوز وقعده وقاله ربنا كريم وبكره يعرف قيمتك ولا تزعل نفسك
الراجل العجوز. ربنا يهديه ي ابني
مسلم. مسح دموعه وقعد جانبه وقال هنسمع دلوقتي القران وهنحفظ واحفظ معانا وبعدها الشيخ طه هيدي درس هنسمعه وبعدين اجيب ليك اكل ونقعد مع بعض شويه ومش هخليك تحس انك لوحدك ماشي ولو عوزت اي حاجه اطلبها مني انا زي ابنك او حفيدك
الراجل العجوز. ربنا يبارك فيك ي حبيبي
الشيخ طه. سمع للاولاد وحفظهم وقال درس انهارده عن الشك يعني اني اشك في صاحبي أنه اخد مني حاجه وهو مش اخدها واظلمه وهحكي ليكم قصه د.ماجد الشيخ بيحكي قصة حقيقية في بودكاست حصلت لحد يعرفه قشعرت جدا لما سمعتها، بيقول:
"واحد صاحبي كان عنده مرض الشك في اللي بيشتغلوا عنده كان عنده واحدة بتشتغل في البيت اسمها ام سيد .. ميلاقيش الساعة يبقى أم سيد خدتها، وبعدين يلاقي الساعة! النضارة مش لاقيها يبقى أم سيد خدتها وبعدين يلاقي النضارة!فالمهم كان بيحوش جنيهات دهب وصلوا لـ ١٨ جنيه وفي يوم بيدوّر عليهم ملقاش الـ ١٨ج دول!مسك أم سيد هاتي الدهب .. تقول مخدتوش جاب قريبه من القسم كان عقيد وبهدلوا الست وحبسوها يوم وهي أصلا ماخدتش حاجه، هي كانت مرات البواب .. طردوهم من العمارة بفضيحة طبعا وبعد ١٠ سنين صاحبي ده كان في بيت والدته وعنده مكتب قديم بيشوف فيه ورق لقى الـ ١٨ج الدهب كان حطهم فيه وناسي! ولأن دماغه كانت مبرمجة على الشك في أم سيد .. قال إنها خدتهم
جالي وقالي أنا هموت، مش عارف أعمل ايه احنا اتهمنا الست وبهدلناها وحبسناها ومشيناها .. أعمل ايه ؟؟
قُلتله روحلها البلد وراضيها واديها نصهم، قالي ماشي ..
كانت في الفيوم، راح ودوّر على بيتها لحد ما وصل
لقى بيت بجنينة حلوة وقابل الراجل والست وقالها أنا جاي اعتذرلك وابوس راس جوزك واللي يرضيكي هعملهولك وأنا سألت قالولي الفلوس دي نصها ليكي، قالتله أنا مش عايزة حاجه، أنا هاخد الفاكهة اللي جايبها زيارة إنما مش هاخد عوض .. قالها ازاي يعني ؟!
قالتله بعد ما سيبنا العمارة ورجعنا البلد جوزي جاله عقد عمل في الخليج، سافر كام سنة ورجع عمل مزرعة فراخ والمزرعة عملت ٢ و٣ واشترينا أرض وبنينا عمارتين
والرسول عليه الصلاة والسلام جالي في الحلم وقالي "هيجيلك يعتذر، اقبلي اعتذاره ومتقبليش العوض.. العوض على الله". حرفيا ( وعسى أن تكرهوا شيئا وهو خير لكم ) تخيل ظُلمه ليها نتج عنه ايه! اتفتحلهم باب الرزق والخير والبركة من حيث لا يحتسبوا! ربنا مابيقفلش باب غير وبيفتح الاحسن منه، ومابينزّلش بلاء غير وبينزل معاه اللطف واليُسر والعوض .. كرم ربنا واسع وجبره عظيم. واتمنا تكونوا استفادوا من الدرس وتتعلموا منه وبكدا الدرس خلص. بعدها الاولاد جمعوا الصدقات وراحوا عطوها لنفس الست اللي جوزها متوفي ومعاها اولاد.
مسلم. كان قاعد مع الراجل العجوز وراح جاب ليه مايه يشرب وعمل ليه زي سرير كده من الاسفنج علشان الراجل ينام عليه وقاله خليك هنا هروح اجيب اكل واجي
الشيخ طه. هنعمل ايه في الراجل ده ي مسلم
مسلم. متقلقش ي بابا هو هيفضل هنا في الكتاب وهينام هنا ومن الاكل اللي ماما تعمله هنجيب ليه اكل ياكل ومش هخليه عايز حاجه
الشيخ طه. باس ابنه وقال ربنا يرزقك الجنه ومشي هو ومسلم رجعوا البيت مسلم خلا ساره تعمل اكل وتحطه في علب وبعدها اخده ورجع الكتاب
ساره. لي الاكل اللي اخده مسلم ده ي طه وهيوده فين
الشيخ طه. حكا عن الراجل العجوز ل ساره
ساره. ابني السكر مفيش احن ولا اطيب منه ربنا يبارك فيه
الشيخ طه. ي رب ي ساره كنت مبسوط وهو بيحكيلي عن اللي عمله مع الراجل انا فخور ب مسلم
مسلم. راح الكتاب وصحا الراجل العجوز وقعد يأكله وعطاه مايه يشرب وقاله مش عايزك تزعل من ابنك هو اكيد مضغوط أو حصل معاه حاجه خلته كده المهم متزعلش نفسك
الراجل العجوز. مش زعلان منه ي ابني الا قولي اسمك ايه
مسلم. اسمي مسلم ي جدو وانت اسمك ايه
الراجل العجوز. اسمي أيوب ي حبيبي
مسلم. اسمك حلو ي جدو ايوب يلا ارتاح ونام وانا هاجي ليك الصبح
ايوب. ماشي ي ابني وخلي بالك من نفسك
مسلم. حاضر وانت كمان. وبعدها مسلم رجع البيت
ساره. ابني السكر تعال عندي واخدته في حضنها وقالت الراجل عامل ايه واكل ولا لا
مسلم. الراجل كويس بس زعلان عليه ي ماما
ساره. بكره ابنه يعرف امته ي حبيبي يلا ادخل نام
وتاني يوم ساره جهزت الفطار وعملت علبه مخصوص فيها اكل علشان الراجل العجوز وخلت مسلم يروح ويديه الاكل ومسلم أصر أنه يأكل معاه وقال ل أمه كلوا انتوا ومشي وراح الكتاب وقعد مع جدو ايوب واكله وشربه وفتح الراديو علي القران وقاله خليك ي جدو ايوب هوصل بس لحد البيت وهرجع ليك تاني
ايوب. ماشي ي ابني
مسلم رجع كان أبوه مشي علي الكتاب الجديد وساره كانت نضفت البيت ومسلم قال ل أمه أنه هيروح معاها الكتاب وهياخد حفصه وإبراهيم معاهم وساره وافقت
مسلم. قعد مع حفصه وإبراهيم مع جدو ايوب وكانوا مبسوطين وساره حفظت البنات وسمعت ليهم وقالت درس النهارده عن "عارفين يعني إيه "اللهُم ردّني إليك ردًا جميلًا" !!؟؟ الرد الجميل إن ربنا يردك إليه بلُطف، من غير ابتلاء انك ترجع لربنا من غير ما تجرك المصائب إليه جرًا
فيه دعوتين حلوين أوي كمان بنفس المعنى :
اللهُم خُذ بأيدينا إليك بالعطاء ولا تأخذ بأيدينا إليك بالبلاء
اللهُم اجعلنا عبيد إحسان ولا تجعلنا عبيد امتحان"
عارفين انه لم يثبُت أن النبي ﷺ كان يقول [صدق الله العظيم] بعد قراءة القرءان ولا يوجد دليل عليها ولذلك هي بدعة وكُل بدعة ضلالة وكُل ضلالة في النَّار.وماذا نقول بعد قراءة القرءان؟ هذا حديث صحيح عن عائشة رضي الله عنها. عن عائشةَ _ رضِيَ اللهُ عنها _ قالت : ما جلس رسولُ اللهِ _ صلَّى اللهُ عليهِ وسلَّمَ – مجلسًا ولا تلا قرآنًا ولا صلَّى إلا ختمَ ذلك بكلماتٍ فقلتُ : يا رسولَ اللهِ ما أكثرَ ما تقولُ هذه الكلماتِ فقال _ صلَّى اللهُ عليهِ وسلَّمَ _ : نعم . من قال : خيرًا كنَّ طابعًا له على ذلك الخيرِ , ومَن قال شرًّا كانت كفارةً له (سبحانَك اللهمَّ وبحمدِك لا إلهَ إلا أنتَ أستغفرُك وأتوبُ إليك) الراوي : عائشة أم المؤمنين .
"أول ما تلاقي نفسك مكمل في دُعائك برغم إن كل الأسباب الكونيه بتقولك صعب و مستحيل، إعرف إنك وصلت لمرحلة اليقين! ودي مرحلة أخرها حاجة واحدة؛
" قد أُوتِيت سؤلَك". وبكدا ي سكاكر الدرس خلص وبعد ما البنات مشيوا ساره قعدت تحفظ مسلم وحفصه وإبراهيم كانوا مع الجد ايوب وكان مبسوط بيهم وبيلعبهم
وعند الشيخ طه راح الكتاب وفتحه وقعد فيه هو وعم خالد وبعد ساعه لقي الناس جايه علشان تحفظ القران فرح جدا أنه اخيرا حد جاه علشان يحفظ وفضل يحفظ الاطفال اللي جات ويحكي ليهم عن الوضوء والصلاه والجنه والنار والحياه في القبر وكان بيقول ليهم من كل حاجه فيهم شويه علشان يأثر فيهم وياجوا يحفظوا ويكونوا عايزين يعرفوا عن الدين والاسلام اكتر اكتر
عند نور ابن الراجل العجوز ايوب بعد ما أبوه مشي حصل ،،،،،،
رئيكم وأكمل فيها ولا انهيها ؟ وعايزه تفاعل ي حوريات
وسبحان الله والحمد لله ولا اله الا الله والله اكبر الذكر ي حوريات علشان نزرع النخل في الجنه🥰.
#بقلمي_شهد_احمد
#مسلم_والاسلام.
